ئاگر دارستانەیل هاوای هەڕەشەی پیرەدار "بانيان" دەێد
2023-09-06T09:09:56+00:00
شەفەق نیوز/ لە ساڵ ١٨٧٣، دار بانیان لە نیمچە دوورگەی هندی لە شار لاهینای کناراوی نریا، کە ئەو مەوقە ناوەندیگ ئاوەدان هاوای بوی، و هیمان ئەو پیرەدارە و سەربەرزی وسیایە، لەڕوی ئی ئاگرەیل دویاییە.
رووژنامەی لۆس ئانجلەس تایمز وت: ئی دارە تەمەنی رەسێدە نزیکەی ١٥٠ ساڵ، هاتێ یە دویادویای بوود، کە زنجیرەیگ لە ئاگر دارستانەیل دوورگەی ماوی داگیر كرد، و دەیان کوشیان وەجی هیشت، و بەشەیل فرەیگ لە دوورگەگە کاول کرد، وەتایبەت شار لاهاینا.
هیمان دار بانیان کە وە ئەنجیر بەنگالی ناسریایە، وە سەر بەرزیگ لەنوای گوڵپە و بڵویزەیل وسیایە، و خوەڵەکوو لەپای کەڵەکە بویە.
پسپۆڕەیل نیگەران بوینە، کە ئەو گەرمی فرە لە تیەن ئەو ئاگرەیل ویرانکەرە هاتێ ئی دار پیرە لەناو بەێد، کە قەڵغانیگ نەیرێد لە ئاگر مقیەتیی بکەێد.
جی.پی فرایدای، پسپۆڕ دارسانەیل لە زانکۆی هاوای ئویشێد؛ هاتێ دار بانیان قورتار بوود، و هاتێ گلەیگتر لە ریشەو رەوزەو بکەێد، وەلێ دەیان ساڵ وەپی چوود تا جاریگتر بوودە دار گەپیگ.
