پەیاکردن کەشتی تەڵا ک وەرجە زیاتر لە ١٠٠ ساڵ نقوم بویە
2022-12-10T12:12:20+00:00
شەفەق نیوز/ زانایل ئاسەواری دەریایی وتن: جیماگەی کەشتییگ هەڵمی پەیا کردنە ک لە ساڵ ١٨٧٥ بیسەروشوین بویە، هەنای لەناو زەریای هندی وەگەرد بار گەورەیگ لە تەڵا نوقوم بویە، ک لەو سەردەمە نرخەگەی ١٧٩ هەزار دۆلار ئەمریکی بویە، ک ئمڕوو نرخەگەی نزیکەی پەنج مەلیۆن دۆلار کەێد.
ئەو کەشتیە وە هەڵم کار کردگە، و وەچوو دروس کریاگە، لە تاریکی داگەسە کەشتییگتر وەناو (ئۆرفیوس) لە باشوور خوەرئاوای کیپ ڤیلاتری لە ویلایەت واشینتۆن ئەمریکا، ئەوەیش لە چوار نۆڤەمبەر ١٨٧٥.
تەنیا دوو کەس لەناو ٢٧٥ کەس و کاپتنەیل کەشتیەگە لە مەرگ ئەو رویداوە قوورتار بوین.
بار ئەو کەشتیە لە کەرەستە و کیسەی شۆفان و چەرم بویە، وەلێ گرنگترین چشتەیل بارەگەی نزیکەی ٩٠ کێلوگرام لە تەڵا بویە.
