پەیاکردن (سەرگ تویکیگ) تەمەنی ٣٠ هەزار ساڵە
پسپۆڕەیل مەزەنە کەن ئەوە لە ئاژەڵەیل سەردەم یەخ بویە، ک خوەی خڕ کردگە جویر تووپ، هاتێ ئەو ئاژەڵە لەو سەردەمە چوێدە ناو خەو زمسانی.
لە ساڵ ٢٠١٨ کارکەرەیل مەنجەم لە ژیر زەوی لە هەرێم یوکون، نزیک سنوور ئەلاسکا ئەو چشتە پەیا کردن.
گرتنت زاوولا، زانست چشتەیل ژیر زەوی لە حکومەت یوکون ئەرا ئاژانس سی بی سی وت: کەسیگ نیەزانێد ئەوە چەیگە تا نەنووڕێدە دەس و جنگیر بویچگی، و هەمیش دویی بویچگیگ دوینێ، ئیجا گووشەیلی.
وتیش: هەنای ئاژەڵیگ لە تەمەن ٣٠ هەزار ساڵ پەیا کەێ، و توەنێ دەمچەو وەپووس و قژی بوینێ، چماێ چشتیگ باوەرنەکریاگە.
توێژەرەیل ناو «هیستەر» بڕینە باڵای ئەو ئاژەڵە لە جەمسەر باکوور، چوینکە لە نزیک ناوچەی هیساەر لە کەنەدا لەنزیک داوسون سیتی پەیا کریا.
لەو ناوچە وەرجەیە نموونەیل ئاژەڵی فرەیگ پەیا کریا، ک یە دەیان هەزار ساڵە خاس مقیەتی کریاگە، جویر مویشخورمای گەپ و مامووس بویچگ و تویتکە گورگ.
