ئایا گورچگ وەراز ٨٨ هەزار بیمار ئەمریکی رزگار کەێد؟
تیمەگە کار لەبان گەشەپیدان ئی جویرە کاڵینە لە ئاژەڵەو ئەرا ئایەم کەێد، کە وەپی ئویشن "زینۆگرافت"، وە ئومید چارەسەرکردن کەمی لە بەخشین ئەندامەیل لەش.
نەشتەرگەریەگە لە سەنتەر پزیشکی لانگۆن زانکۆی نیویۆرک لە ١٤ی تەمموز لە لەش پیاییگ تەمەن ٥٧ ساڵە ئەنجام دریا کە مێشکی مردیە.
ئەو پیاوە دویای ئەوەگ لەش خوەی ئەرا کارەیل زانستی بەخشیە، خریا بان ئامێر هەناسەدان.
ئەو پیاوە لە مەوقەی نەشتەرگەری گورچگەیلی دراوریا و گورچگ وەرازیگ دەسکاریکریای ئەندازیاری ئەرای نریا تا لەشی وە شیوەیگ ڕاستەوخۆ رەتی نەکەێد.
ئی ٣٢ رووژە نوێنەرایەتی "درویژترین ماوە کەێد کە گورچگ وەرازیگ دەسکاریکریای لە لەش ئایەم کار کەێد"، وەپەی بەیاننامەیگ کە خەسەخانەگە بڵاوی کردیە، کە وت چەوەڕی وەردەوامبوین شیکاری کەێد تا ماوەی مانگیگتر.
ئی تیمە لە ساڵەیل گوزەشتە چەن "کاڵینیگ بیانی" ئەنجام داگە، لەوانە یەکەم کاڵین گورچگ وەراز لە جەهان ئەرا لەش ئایەم لە مانگ ئەیلول ٢٠٢١.
زیاتر لە 100 هەزار ئەمریکی لە لیست چەوەڕیکردن کاڵین ئەندامەیل لەش وسیانە، لەو شمارەیەش 88 هەزاریان چەوەڕی گورچگ کەن.
