پیاویگ لە خوسەی هاوسەرەگەی ٤٥٠ کێلومەتر وەیەک هوچان ری کەێد

شەفەق نیوز/ رۆژنامەی «ئیل ریستو دیل کارلینو» ئیتالی وت: پیاویگ لە دانیشتوەیل شار کومو، یەک هەفتە وەبی وسانن وەپا ری کرد، لەدویای مرافەیگ وەگەرد ژنەگەی.

پۆلیس پیاوە ٤٨ ساڵانەگە لە شار فانو لە کەرت بیزارو ئۆربینو گرد و زانست ک پیاوەگە ٤٥٠ کێلومەتر وەپا بڕیە، تا لەو مرافەی خوەی وهاوسەرەگەی دڵی ئارامەو بوود.

وتیش: خوەی نیاز داشتگە بڕەسێدە شار یان جیوڤانی روتوندو لەلای قەوەر قەدیس بادری بیو.

میدیایل راگەیانن ئیتالیا ئاماژە کردن ک هاوسەرەگەی خەوەر گومابوینی داگەسە پۆلیس، ودویای رووژیگ لە گردنی ژنەگە چگ ئەرا فانو تا ٤٠٠ یۆرۆ باج پێشێلکردن قەیەغەی هاتووچگن شەوانە بیەێد و بوەێدەوەی.