ژان دڵداری لەژیر ئاگر جەنگ
شەفەق نیوز/ دۊای ٢٠ ساڵان لە جەنگ ئەمریکا لەناو عراق، کابرایگ عراقی وەناو مرتەزا کەفێدە ژیر ئاگر نوویگ، ئیجا وەگەرد هێز گەپیگ تر، ک رووسیا پەلامار ئۆکرانیا دەێد.
وەرجەیە سوپای رووسیا ئۆکرانیا داگیر بکەێد، ئەو گەنجە لە رووژەیل خوەشیگ بۊ، ک بەختەگە وەگەردی جۊر بۊ، و لە کەربەلا درات، تا رەسیە وڵات ئارام و خوەشیگ جۊر ئۆکرانیا، و مەزەنە کرد دەرەیل ئومیدی واز بوون، و ئەو گەنج سی ساڵانە کاریگ ئەرا خوەی جۊر پزشک دگان وە ئاسوودەیی پەیا بکەێد.
مورتەزا ١٠ ساڵ لە ئۆکرانیا بردە سەر، و هیمان ئومیدی وەوە نەوڕیاگە ک ناسنامەیگ بکەفێدە دەسی، و ژنیش بخوازێد، باوجی تەنیا ژنخوازینەگە کەفتە بەشی.
ئەو کابرا، تا دوو ساڵ دووس دۊتیگ ئۆکرانی داشت، وەلێ ئاسان نەۊ ک بخوازێدەی، چۊنکە دۊتەگە لە هەرێم قرم جیگرە، و ئەو هەرێمە هالە ژیر مشتومڕیگ ناوبەین رووسیا و ئۆکرانیا، باوجی وە زوور و نازوور تۊنست سۊر ئەو دۊتە بکەێد.
تا ئەوەنە لە ٢٠١٤ هەرێمەگە کەفتە دەس رووسیا، و ژن و مناڵەیلی دۊر لە باوان ژنەگەی کەفتن، چۊنکە بۊە زەۊ رووسیا، و ژنەگەی لە باوانی بڕیاوە.
ئیسەیش مرتەزا ژن و مناڵەیلی جۊر بەچکە پشی، هەر رووژیگ وەرەو شۆنیگ بەێدەیان، لە رخ گورز و تووپ و مووشەکەیل رووسیا،
