کاریگەری وەکارهاوردن مۆبایل زیرەک لەبان تەندروسی
شەفەق نیوز/ وەگشتی بەشیگ فرە لە هاوڵاتیەیل جەهان وە وەردەوام مۆبایل زیرەک وەکارتێرن، یەیش کاریگەری خراو لەبان لەش دروس کەێد، لەو کاریگەریەیلەش ک لە ماڵپەڕی "وێب تێب" پزیشکی بلاوکردیە بریتین لە:
مۆبایلەگان بڕیگ فرە لە بەکتریا گرنە خوەیان، یەیش بوودە هووکار کلکردن ڤایرۆس و بەکتریا ئەرا کەسە وەکارهاوەگە، خاسترە لە رووژیگ چەن جاریگ مۆبایلەیلە پاک بکریەن.
وەردەوام وەکارهاوردن مۆبایل بوودە هووکار ئازار جومگەیلە وە تایبەتیش جومگەیل شان و مل.
وەکارهاوردن مۆبایل کاریگەری لەبان خەو دیرێد لەوەر دەرنەدان هۆڕمۆن هێورکەر میلاتۆنین پێویست ئەرا یەیش وەردەوام پزیشکەیل ئاگاداری هاوڵاتیەیل کەن کە وەرجە خەفتن مۆبایل وەکارنارن ئەرا ئەوەگ خەویگ ئاسودە و تەندروس بیاشتوون.
ژان چەو یەکیگە لە هووکارەیل فرە وەکارهاوردن مۆبایل ک رووشنایی شاشەی مۆبایلەگە بوودە هووکار ژان ئەرا چەو.
