کابرایگ چینی وە تەمای ئاسوودەیی لەناو چادریگ نیشێد
ئەو پیاو چینیە لە تەمەن ٢٩ ساڵان، لە باشوور خوەرئاوای وڵاتەگە، چادریگ ئەرا خوەی هەڵدا، لەناو گەراج چووڵیگ، تا هوچانیگ بوەێد و کار نەکەێد.
(لی شو) یە زیاتر لە ٢٠٠ رووژە لەناو چادریگ پرتەقاڵی لەناو گەراجیگ کوینە داکاسیاگە، و لەقەی چادرەگە نویساگە؛ کەسیگ دەسکاری چشتەیل ناو چادرەگە نەکەێد، چوینکە یە ماڵ کەسیگە.
ئەو چادرە وە ٥٨ دۆلار سەنیە، و تەباخ و قەزانیک فافۆن و کەمیگ خوەراک، و پڕتاڵ شڕ هاناوی.
رووژنامەی تایمز ناو نیوز باس ئەو کابرا کرد، ک رووژانە ئاشیگ ئەرا خوەی دروس کەێد، و قەیر فرەیگ ری کەێد تا ئاو پەیا بکەێد، ک وەرجەیە فەرمانبەر بویە و لە ساڵ ٢٠١٨ واز لە کار هاورد.
برادەرەیل شو وەپی وتن ماڵیگ ئەراد پەیا کەیمن و پویلیش ئەرا گردەو کەیمن، وەلێ رازی نەوی، و وەپیان وت: هەناێ دویر لە کارەیل بیخودی ئی ژیانە گەفێ هەس وە ئارامی کەێ، و هووکارەی رەوشەیل نوویگ بوێ.
