ئەدێڵ ٥ خولەک لە شازادە هاری و میگان مارکڵ دویرە
2020-05-20T21:20:41+00:00
شەفەق نیوز/ دویای چگن شازادە هاری وهاوسەرەگەی میگان مارکڵ ئەرا نیشتجیبوین لە گەڕەک بیفرلی هێڵز لە لۆس ئەنجلوس/ کاڵیفۆڕنیا، دویای ئەوە ک ماوەیگ لە کەنەدا بوین، ئەوەیش دویای کیشانەوەیان لە خێزان شاهانه‌ی بریتانیا، پەیوەندیان بتەو بوی وەل هونەرمەن گورانی چڕ جهانی ئەدێڵ.
وەگورەی ئەوە ک رۆژنامەی میرۆر بریتانی نویسادەی، ناوبەین کۆشک هاری و کۆشک ئەدێڵ تەنیا ٥ خولەکە، وتیش ک ئەدێڵ هاوکاریان کەێد لە باوەت مەکتەب ئارچی کوڕیان، و ئەرا گوزران وەختەیلیگ خوەش جوور خیزانیگ ئاسایی ئه‌را ئه‌وه ك کەسیگ لە دوسەیلیان بیزاریان نەکەێد، پێشنیار شوین گونجیاگ ئەرایان کەێد. وەگورەی سەرچەوەگە؛ ئەدێڵ ئەرا کوەڕەگیانیش هەر ئەرا دویرکەفتن لە دوسەیلیان شوینەیلیگ نهێنی پێشنیار کەێد.
