چه‌كداره‌يل په‌لامار ماڵه‌گه‌ی پاريزگار دياله دان
2013-11-27T07:08:15+00:00
توراس عه‌زاوی وه‌ڕيه‌وبه‌ر ره‌سانن پاريزگاگه له باسيگ ئه‌را(شه‌فه‌ق نيوز)وت: دويه‌شه‌و ديره‌وه‌ختيگ چه‌كداره‌يليگ نه‌ناسرياگ وه ته‌قه‌كردن په‌لامار ماڵه‌گه‌ی حومێری دانه له ناوچه‌ی باقوبه‌و پاسه‌وانه‌يليش وه تونی جواو ئه‌و په‌لاماره دانه‌سه‌وه‌و چه‌كداره‌يل ناچار بوينه خوه‌يان بكيشنه‌و وه‌بی كه‌فتنه‌وه‌ی هويچ زه‌ره‌ديگ گيانی.
جی باسه، حومێری له مانگگ ئايار گوزه‌يشتيش قورتار بوی له هه‌وڵ كوشتن و گرتنه ئامانج كاروانه‌گه‌ی له‌وه‌خت گله‌وخواردنی له پاريزگای سلێمانی.
ج . أ
