پێشمه‌رگه‌ له‌ جوواو به‌غدا: وجوودمان له‌ دوزخورماتوو ياساييه

جه‌بار ياوه‌ر ئه‌ميندار گشتی و قسه‌كه‌ر وه‌ناو وه‌زاره‌ت پێشمه‌رگه‌ له‌ لێدوانه‌يل رووژنامه‌گه‌ری ك (شه‌فه‌ق نيوز) ئاگاداری بوی، وت: مه‌سه‌له‌ی وجوود پێشمه‌رگه‌ له‌ناوچه‌يل كوردستانی ده‌يشت هه‌رێم له‌ ئاكام رێككه‌فتن و هاوكاری و كار هاوبه‌ش بويه‌ وه‌ل هێزه‌يل سوپای عراقی له‌وه‌ر خاتر مقه‌يه‌تيكردن له‌ ئاسايش و سه‌قامگيری و تارانن گرووپه‌يل تيرۆريستی له‌و شوونه‌يله‌.

ياوه‌ر هه‌ميش وت: ئاڵشتكردن بڕێگ له‌ هێزه‌يل پێشمه‌رگه‌ وه‌ هيزه‌يل تر، له‌چوارچيوه‌ی خواست پلانه‌يل ئاسايشه‌و يه‌يش رێ وشوونيگ ياساييه‌و كه‌س هه‌ق نه‌يريد ره‌تيه‌و بكا تاوه‌ختيگ مه‌سه‌له‌ی ناوچه‌يل كوردستانی ده‌يشت هه‌رێم يه‌كلاوه‌ كريه‌ن.

ج . أ