پێسشمه‌رگه شاڵيگ ئاسايشی له ناوچه‌يل كوردستانی ده‌يشت هه‌رێم دامه‌زران
جه‌بار ياوه‌ر ئه‌ميندار گشتی وزاره‌ته‌گه و قسه‌كه‌ر فه‌رمی وه‌ناو سه‌ركردايه‌تی گشتی هيزه‌يل پاسه‌وان هه‌رێم له لێدوانيگ ئه‌را(شه‌فه‌ق نيوز)وت: ئه‌و شاڵ ئاسايشيه ك له‌لايه‌ن ليوايه‌يل سه‌ر وه وزاره‌ت پێشمه‌رگه دامه‌زريانه، وه هاوبه‌شی وه‌ل هيزه‌يل ٧٠ و ٨٠ و هيزه‌يل ئاسايش و پۆليس هه‌رێم دامه‌زريانه.
ياوه‌ر هه‌ميش وت: بريار دامه‌زرانن ئی شاڵ ئاسايشيه له‌شوون رويداگه‌يل حه‌ويجه بويه له‌لايه‌ن حكوومه‌ت هه‌ريَم و وزاره‌ت پێشمه‌رگه وه شيوه‌يگ تايبه‌ت جوور وه‌رگری له ناوچه‌يل كوردستانی ده‌يشت هه‌رێم له پاريزگايه‌يل دياله‌و كه‌ركووك و سه‌ڵاحه‌دين و نه‌ينه‌وا.
ياوه‌ر يه‌يش ده‌رخست، ئه‌و شاڵه له ناوچه‌ی نه‌فتخانه له نزيك جه‌له‌ولا و سه‌عديه و قه‌ره‌ته‌به ده‌س وه‌پی ئه‌كا تا ره‌سيده ناوچه‌يل دوزخورماتوو و خوه‌رئاوای كه‌ركووك و له‌ورايشه‌و وه‌ره‌و خوه‌رئاوای دبس تا ره‌سيده مه‌خمور و ناوچه‌يل شه‌نگاڵ و به‌عشيقه‌و شێخان تا فيشخابور و ئاماژه وه يه‌يش كرد ك ئه‌و هيزه‌يله له‌و ناوچه‌يله مينن تا وه‌ختيگ مادده‌ی ١٤٠ له ده‌ستوور هه‌ميشه‌يی عراق جيوه‌جی كريه‌يدو گشت كيشه‌يل وه يه‌كجاری چاره‌سه‌ر بوود.
ج .أ
