پۆليس گومرگه‌يل سلێمانی له‌وه‌ر لاوردن بڕيار خانه‌نشينكردن وه‌ڕيه‌وبه‌ر ده‌زگاگه‌يان مانگرتن ئه‌نجامدان
و هه‌ر وه‌و خاتريشه خوازيارن دوباره باريه‌يده‌و ئه‌را بان پۆسته‌گه‌ی.
په‌يامنێر(شه‌فه‌ق نيوز) له‌زووان كارمه‌نده‌يله‌و ئاشكرای داواكاريه‌يليان كرد له حكوومه‌ت وه‌ل ده‌رخستن هووكار ئه‌و بڕياره ك هه‌رچه‌نی وه‌ڕيه‌وبه‌ره‌گه‌يان نه‌ڕه‌سيه‌سه عومر خانه‌نشينی و جه‌خت له‌وه‌يش كردن ك خواسته حكوومه‌ت هه‌رێم ئه‌و بڕياره له‌بانی هه‌ڵگريد.
له‌لايه‌ن خوه‌ييشه‌و فه‌رهاد ئه‌حمه‌د حه‌سه‌ن عه‌قيدد پۆليس و وه‌ڕيه‌وبه‌رگومرگه‌يل سلێمانی له‌باسيگ ئه‌را(شه‌فه‌ق نيوز)وت: له‌ی بڕيار خانه‌نشينكردنه ئامانج و كيشمه‌كيشيگ هه‌س، چوينكه زويتريش ئی حاڵه‌ته رويداگه‌و دويره‌و خريامه‌و جاريگتر هاوريامه‌سه‌و ئه‌را بان وه‌زيفه‌گه‌م.
جی باسه، پۆليسه‌يل مانگرتگ باس له‌وه‌يش كردنه ك ئی وه‌ڕيه‌وبه‌ره ئه‌را ماوه‌ی ساڵيگه دامه‌زرياگه‌و فريه‌يش مقه‌يه‌ته له كاره‌گه‌ی و ده‌سپاكيشه وه چه‌واشه‌ی وه‌ڕيه‌وبه‌ره وه‌رينه‌گه.
ج . أ
