پۆليس هه‌ولێر: ده‌وڵكوته‌يل پاشيم مايه‌ی ناڕه‌حه‌تكردن هاووڵاتيه‌يلن
له نامه‌يگ كلكرياگ له‌لايه‌ن رائد فه‌خره‌دين نوری مه‌ولود وه‌ڕيه‌وبه‌ربه‌ش پۆليس شاره‌وانی له هه‌ولێرئه‌را سه‌رۆكايه‌تی شاره‌وانی هه‌ولێرك ره‌سيه(شه‌فه‌ق نيوز)ئه‌وه ده‌رخست و وت: ئاگاداردان ئه‌كه‌يم ك شماره‌ی فره‌يگ له هاووڵاتيه‌يل له‌شار هه‌ولێر په‌يوه‌ندی وه‌پيمانه‌و كردنه‌و خوازياره ئه‌وه‌ن له مانگ ره‌مه‌زان قه‌يه‌غه‌ی ده‌ووڵكوته‌يل بكريه‌يد له‌وه‌خت پاشيم و هه‌ر له‌وه‌ر ئه‌وه‌يش ئيمه ئی پيشنياره ئه‌رادان خه‌يمنه روی وه‌خاتر دراوردن بڕيار قه‌يه‌غه‌كردنيان له‌وه‌ر چه‌ن هووكاره‌يليگ جوور ناڕه‌حه‌تكردن هاووڵاتيه‌يل له‌شوون سه‌عات ١٢ی شه‌و تا ده‌مه‌وسوو وه‌تايبه‌ت ناڕه‌حه‌تكردن كه‌سه‌يل نه‌خوه‌ش.
مه‌ولود هه‌ميش وت: ئيمه زانيم ك ده‌ووڵكوته‌يل هه‌ر له زويه‌و وجوود داشتنه، وه‌لی بار ئيسه جياوازه‌و ئيسه دی هه‌وه‌جه وه‌پيان ناكريه‌يد له‌وه‌ر وجوود به‌ڵه‌نگوو مزگفته‌يل و ئاگاداركه‌ر سه‌عات و ته‌له‌فۆنه‌يل مۆبايل.
ج . أ
