پلاندانان مه‌زه‌نه‌ی شماره‌ی مه‌ردم عراق وه ٣٦ مليۆن كرد
2013-12-16T11:45:52+00:00
له ئامار ده‌زگای ناوه‌ندی ئه‌را ئاماره‌يل ك رووژنامه‌ی ئه‌لسه‌باح سه‌ر وه ده‌وڵه‌ت عراقی بڵاويه‌و كردو(شه‌فه‌ق نيوز)ئاگاداری بوی، ئه‌وه ده‌ركه‌فت ك وه گووره‌ی مه‌زه‌نه شماره‌ی مه‌ردم عراق ئه‌را ساڵ ئاينده ئه‌ڕه‌سيده ٣٦ مليۆن و ٤ هه‌زار و ٥٥٢ كه‌س.
له‌و ئاماره شماره‌ی ره‌گه‌ز نيرينه وه ١٨ مليۆن و ٣١٩ كه‌س و شماره‌ی ره‌گه‌ز مايينه‌يش وه ١٧ مليۆن و ٦٨٥ هه‌زار و ٥٤٤ كه‌س دانرياگه، ئنجا ريژه‌ی مه‌ردم به‌غدا له شوونه‌يل تر به‌رزتره‌و ره‌سيده ٧ مليۆن و ٦٦٥هه‌زار و ٢٩٢ كه‌س و ريژه‌ی ٢١،٣% جه‌م مه‌ردم عراق پيكهاوردگه.
ج . أ
