پارێزگار كه‌ركوك داوای پۆلیس زیاتر ئه‌كا
نه‌جمه‌دین كه‌ریم له‌به‌یاننامه‌گه ك دويای ته‌قینه‌وه‌گه‌ی دويه‌كه‌ێ كه‌ركوك ده‌ریكرد وت "جارێگ تر تیرۆرسته‌يل و دوشمنه‌یل ژیان و ئنسانيه‌ت هاو‌ڵاتیه‌یل بێ تاوان كردنه ئامانج له مزگه‌فت القدس له كه‌ركوك و ده‌یان شه‌هید و زه‌خمدار له‌لێ كه‌فته‌و".
هه‌ميش وت "جه‌خت كه‌یمنه‌و له وه‌زاره‌ت ناوخوه‌ی عێراق له‌بان جێوه‌جێكردن داواكاریه‌يلمان له زیاێكردن شوماره‌ی پۆلیس كه‌ركوك ودابینكردن هه‌وه‌جه‌يليان".
هه‌ميش داوا ئه‌كا له هێزه‌يل ئه‌منی ئاگادار بوون له كاره‌یليان له رويوه‌ڕويبوينه‌وه‌ی "تیرۆرسته‌يل و گشت كه‌سێگ ك ئاسایش هاوڵاتیه‌يل بخاده مه‌ترسیه‌وه.
شه‌وه‌كی دويه‌كه و وه‌ل ده‌سوه‌پێكردن یه‌كه‌م رووژ جه‌ژن قوربان وه‌خاتر ته‌قینه‌وه‌ی بومبێگ له‌چاڵنرياێ له وه‌رده‌م مزگه‌فتێگ له‌شه‌قامێگ شار كه‌ركوك 11 كه‌س شه‌هيد و 24 كه‌سيش زه‌خمدار بوين.
ا. ج
