يه‌كێتی هه‌ڵويست بارزانی وه‌گاميگ وه‌رپرسانه‌ تاريف كرد

له‌ به‌ياننامه‌یگ مه‌كته‌ب سياسی ئه‌را (شه‌فه‌ق نيوز) ئه‌وه‌ ده‌ركه‌فت ك يه‌كێتی نيشتمانی كوردستان له‌باوه‌ت وتاره‌گه‌ی بارزانی وه‌ بوونه‌ی ره‌زامه‌نی له‌بان دريژه‌وكردن ماوه‌گه‌ی و ره‌زامه‌نی له‌بان راسه‌وكردن ره‌شنويس ده‌ستوور خوه‌شاڵ بويه‌و يه‌يش وه‌گاميگ وه‌رپرسانه‌ داسه‌ قه‌ڵه‌م له‌وه‌رانوه‌ر مه‌سه‌له‌يگ جی گرنگی زوورم ملله‌ت كوردستان و لايه‌نه‌يل سياسيه‌.

له‌ به‌ياننامه‌گه‌ يه‌يش ده‌ركه‌فت ك ره‌فتار خاس يه‌كێتی نيشتمانی كوردستان وه‌ل گشت هه‌وڵ و ميكانيزمه‌يل له‌باوه‌ت راسه‌وكردن ره‌شنويس ده‌ستوور نرخداره‌و هه‌ميش قسه‌يل بارزانی له‌بان نه‌خش جه‌لال تاڵه‌بانی سه‌رۆك كومار وه‌بوونه‌ی كار وه‌جه‌م ئه‌را خزمه‌ت كوردستان و كوردايه‌تی وه‌ به‌رز نرخاند.

جی باسه‌، دويه‌كه‌ ئيواره‌ مه‌سعود بارزانی سه‌رۆك هه‌رێم وتاريگ پيشكه‌ش كرد ئه‌را هاووڵاتيه‌يل هه‌رێم و له‌تی قسه‌ له‌بان هووكار په‌سه‌نكردن ماوه‌ سه‌رۆكايه‌تيه‌گه‌ی و كار په‌رله‌مان كوردستان كرد.

ج . أ