وە شمارە.. هندستان و پاکستان لە کووەو هاوردەی چەک کەن؟
شەفەق نيوز/ لەناو بەرزەوبوین وەردەوەردەی ناوەین هندستان و پاکستان، ئەگەر پەرەسەنین جەنگ هیدستان و پاکستان هیمان مەنیە، شیکارە سەربازییەیل هوشداری دەن لەوە هەر هویرکردنیگ هەڵە توەنێد بوودە مدوو جەنگ ئاشکرا.
لە وەختیگ لایەنە نتودەوڵەتییەیل لەوان نەتەوە یەکگرتگەیل و هازدارەیل خوەرئاوا داوای خوەیگردن و دویرکەفتن لە کردەوەی تاکلایەنە کەن، بەڵام رەوشەگە وە وەردەوامی هەڕەشەیل هەردوگلا وە ناسکی مەنیەسەو.
لە ژیر رووشنایی ئی پیشهاتەیل، ئینفوگرافیکیگ کە لەلایەن نیویۆرک تایمزەو بڵاو کریاس، نشان دەێد کە چوین سەرچەوەیل هاوردەکردن چەک ئەرا هەردوگ وڵات پاکستان و هندستان لەی ساڵەیل دویاییڵ ئاڵشتکاری ستراتیژی وەرچەویگ وەخوەی دیە.
گرافیکەگە ئاڵشتکاری ئاشکرا لە سەرچەوەیل هاوردەکردن چەک ئەرا هەردوگ وڵات پاکستان و هندستان لە ماوەی ساڵ ٢٠٠٦ تا ٢٠٢٤ نشان دەێد.
وەگورەی داتایەیل، هاوردەکردن چەک لەلایەن پاکستانەو لە چینەو لە 36% لە ساڵ 2006 ئەرا 81% لە ساڵ 2024 بازدانیگ وەخوەی دیە، یەیش نشانەیگە ئەرا قویلبوین هاوکارییە سەربازییەیل ناوەین هەردوگ وڵات
لە وەرانوەر ئەوە هاوردەکردن پاکستان لە ئەمریکاو لە خود ماوەی ساڵ لە سەدا ٣٦ ئەرا سەدا سفر داوەزیان وەرچەویگ توومار کەێد.
هەرلیوا هاوردەکردن چەک پاکستان لە هۆڵەندا کەمیگ لە سەدا سفرەو ئەرا لەسەدا ٦ زیایکردگە، هاوردەکردن لە فەرەنسا کە لە ساڵ ٢٠٠٦ لەسەدا ٧ی وسیاس.
ئەرا همدستان پشتبەسینی وە چەک رووسیا وەشیوەیگ وەرچەو بەرچاو کەم کردگە، لە ساڵ ٢٠٠٦ لە سەدا ٧٥ ئەرا ساڵ ٢٠٢٤ لە سەدا ٣٦.
هاوردەکردن هندستان لە فەرەنسا لە سەدا یەک ئەرا سەدا ٣٣ بەرزەو بویە، لە ئەمریکا لە سەدا ٢ ئەرا سەدا ١٠ بەرزەو بویە.
هاوردەکردن هندستان لە ئیسرائیلەو لە سەدا ٦ ئەرا لەسەدا ١٣ زیای کردگە، یەیش ڕەنگدانەوەی رەوتیگ گەشەسەنینە وەرەو قایمکردن هاوبەشی وەرگری وەرد ئی وڵاتەیلە.
