وهڕێهوبهرایهتی وه‌ختی له رۆژئاوای كوردستان دامه‌زريا
ماڵپه‌ڕ "فورات نیوز" بڵاویه‌وكرد: له گرده‌وبوين ئاماده‌كاری ئه‌ڕا دامه‌زرانن وهڕێهوبهرایهتی وه‌ختی له رووژئاوای كوردستان ك وه به‌شداری پێكهاته‌یل "كورد، عه‌ره‌ب، چیچان و كریستیان" سازكريا، وه‌ڕێه‌و‌به‌ری وه‌ختی رووژئاوای كوردستان ئعلا‌ن كريا و وه‌گوره‌ی پرۆژه‌كه پرۆژه‌گه رووژئاوای كوردستان له "3 هه‌رێم خوه‌يوه‌ڕێه‌و‌به‌ر" دروس بوود ك ئى وه‌ڕێه‌وبه‌رایه‌تییه‌يله ئاماده‌كاری یاسایی ئه‌ڕا هه‌ڵوژانن كه‌ن .
يه‌يش هاتگه: گرده‌وبوينه‌گه رووژ 9ی تشرین دويه‌م له هۆڵ ره‌وابی شار قامیشلۆ ده‌س وه‌پێكردويد و دويای دو رووژ و رووژ 3 شه‌ممه 12ی تشرین دويه‌م 2013 جارێگ تر گرده‌وبوينه‌گه 3 سه‌عات دريژه كيشا و وه ئه‌نجام ڕه‌سی و له ئه‌نجام گفتوگوو و هه‌ڵسه‌نگانن پرۆژه‌ی وهڕێهوبهرایهتی هه‌رێمی ك PYD پێشنیاری كردويد، ئه‌نجوومه‌ن دامه‌زرانن گشتی رووژئاوای كوردستان ك پێكهاتگه له 82 نوێنه‌ر "كورد، عه‌ره‌ب، چیچان و كریستیان" دامه‌زريا و رووژئاوايش به 3 هه‌رێم ده‌سنیشان كريا.
ا. ج
