وه‌رگری وئاسايش خوازياره په‌لامار ئه‌و ئاوايه‌يله‌ بدريه‌ێد ك بوينه‌سه‌ ماوای دزه‌يل نه‌فت

له‌ی باوه‌ته‌و، ئه‌سكه‌نده‌ر وه‌توه‌ت جيگر سه‌رۆك ليژنه‌گه‌ ئه‌را (شه‌فه‌ق نيوز) وت: داوا له‌ فه‌رمانده‌يی نه‌ينه‌وا ئه‌كه‌يم په‌لامار بڕيگ له‌و ئاوايه‌يل نزيك لويله‌يل نه‌فتيه‌ بياد له‌ شار موسڵ ك چه‌كداره‌يليگ سه‌ر وه‌ ريكخرياگ قاعيده‌ گرتنه‌سه‌ خوه‌يان و خه‌ريك دزيكردن نه‌فتن ئه‌را پشتگيری وه‌پيكردن كرده‌وه‌يل ترۆرستی.

وه‌توه‌ت هه‌ميش وت: ئی دزيكردنه‌ وه‌ئاشكرا ئه‌نجام دريه‌يد له‌وه‌رچه‌و هيزه‌يل ئاسايش و بايه‌سه‌ له‌بان ئه‌و لايه‌نه‌يله‌ ك بڕيار دامه‌زرانن ده‌زگايگ تايبه‌ت وه‌ مقه‌يه‌تيكردن لويله‌و دامه‌زرياگه‌يل وزه‌ دان هه‌ڵه‌په‌ڵه‌ بكه‌ن له‌ دامه‌زرانن ئه‌ه‌و ده‌زگا ئه‌را جيوه‌جيكردن ئه‌ركه‌يلی.

ج . أ