"واشنتۆن خه‌ريك پته‌وكردن په‌یوه‌ندی ناونی پێشمه‌رگه‌و سوپای عێراقه"
2013-11-16T10:50:40+00:00
مه‌حمود عوسمان ئه‌ندام په‌رله‌مان عێراق، وه ئاژانس هه‌واڵ مۆسكۆ وتگه: جۆ بایدن جێگر سه‌رۆك ولایه‌ته‌يل یه‌كگرتگ ئه‌مریكا، له‌دويایین په‌یوه‌ندی ته‌له‌فۆنیی وه‌ل مه‌سعود بارزانی سه‌رۆك هه‌رێم، بیرۆكه‌ی هاوكاری كردن واشنتۆن ئه‌ڕا پته‌وكردن په‌یوه‌ندییه‌یل ناونی هه‌رێم و ناوه‌ند وه‌ئامانج رويوه‌ڕويبوينه‌وه‌ی تیرۆر له‌عیراق خستگه‌سه‌ڕوی.
ئه‌و ئه‌ندام هاوپه‌یمانی كوردستانيه باس له‌وه‌يشكرد ك وه‌رجله‌يه هێزه‌یل ئه‌مریكا سه‌رپه‌رشتی دۆسيه‌ێ ئه‌منی ناوچه‌يل داوڕياگ وه‌هاوبه‌شی هێز پێشمه‌رگه‌و سوپای عیراق كردياد، ئمڕوويش ته‌قالا ئه‌ڕا ئه‌وه ئه‌كا ك هه‌ریه‌ك له هه‌ولێرو به‌غدا، وه هاوبه‌شی و هه‌ماهه‌نگی ناونیان، رويوه‌ڕوی شه‌پۆل توندوتیژی و تیرۆر له عیراق بوونه‌و.
ا. ج
