هيزيگ كورد ئاشكراى كوشيان چوار سه‌رباز تورك كرد له خواكۆڕك
2020-02-23T20:47:52+00:00
شه‌فه‌ق نيوز/ هيزه‌يل پاسه‌وان ملله‌ت (H.P.G) باڵ سه‌بازى پارت كارگه‌ره‌يل كوردستان توركيا، ئاشكراى ئه‌وه كرد چه‌كداره‌يلى چوار سه‌رباز له سوپاى توركى له كويه‌ى ليليكان له ناوچه‌ى مه‌رزێ خواكۆڕك له‌ناو خاك هه‌رێم كوردستان كوشتنه.
هيزه‌يل پاسه‌وان ملله‌ت له به‌ياننامه‌يگ وت: له 21 شوبات له سه‌عات 12:15، يه‌كه‌ى ئه‌لئه‌نسار پروسه‌يگ سه‌ربازى دژ سوپاى توركى له كويه‌ى ليليكان له ناوچه‌ى خواكۆڕك ئه‌نجام داگه.
به‌ياننامه‌گه وت: له‌و پرووسه‌ى سه‌ربازيه چه‌ن بنگه‌و شوونه‌يليگ سوپاى توركى له نزيكه‌و وه‌شيوه‌يگ كاريگه‌ر گيرياسه ئامانج و چوار سه‌ربازى توركييش كوشيانه، ك دوياى پرووسه‌گه ته‌ياره‌يل توركى وه چڕى ناوچه‌گه بوردۆمان كردنه.
