نێچیرڤان بارزانى: ئه‌نجامده‌ره‌يل کردەوە تیرۆریستیه‌گه‌ی هه‌ولێر له سوریاوه هاتنه‌سه ناو خاک هه‌رێم
سەرۆک حکوومەت ئاشكرایشيه‌و کردگە ک بارودوخ (سوریا) کاریگه‌رى له‌بان هەرێم و گشت عیراق ديرێ".
وتیش "هێزەيل ئەمنی وە وه‌ختێگ پێوانەیی تويه‌نستنە ئەندامه‌یل ئەو گروپ تیرۆریستیە دەسگیر بکەن".
هەر لەمیانەی ديداره‌گه‌ی نێچیرڤان بارزانى هه‌ميش وت "ئاسایش‌و سه‌قامگیری هه‌رێم گرنگترین کارمانه، هه‌ميش مقه‌يه‌تی كردن له گيان هاوڵاتیه‌یل هەرێم و ئه‌وانه‌گ له‌تێ نیشته‌جێن و سامان‌و سه‌روه‌تیان‌و ئه‌وه‌گ وه‌ده‌سهاتگه له بنیادناين، لەچوارچێوه‌ى گرنگییه‌گانمانه".
جه‌ختيش کرده‌و ئه‌و ده‌سکه‌فته‌يل گه‌ور ک وه متمانه‌ى هاوڵاتییه‌يل و پشتگيرى ئه‌وان وه‌ده‌سهاتنه، ناکه‌نه قوربانى.
وتیش:"په‌نا وه‌خوا وه تواناى پیاوه‌يل ئاسایش‌و وه‌ته‌قالای هاووڵاتییه‌يل دڵسووز وه‌ل ده‌زگايه‌يل ئه‌منی، ده‌س تیرۆر ناڕه‌سێده هه‌رێم‌و ئه‌وانه‌گ وه ئاشتى ژیه‌ن".
رووژ 29/9/2013 سه‌عات 1:24 ده‌قه‌ی نیمه‌ڕوو په‌لامارێگ تیرۆریستی کريا بان باره‌گايه‌یل ئاسایش هه‌ولێرو ئاسایش گشتی. ک له‌‌تی 7 کارمەند ئاسایش شەهیدبوين و 62 تريش زه‌خمداربوين.
ا. ج
