نوجێفی زيايبوين تون وتيژی له‌ نه‌ينه‌وا په‌يوه‌س ئه‌كاده‌ كيشمه‌كيش ناونی"ئازاد" و"نوسره‌ت"

نوجێفی له‌باسيگ ئه‌را (شه‌فه‌ق نيوز) وت: به‌رزه‌وبوين كاره‌يل تون و تيژی له‌ پارێزگای نه‌ينه‌وا به‌شيگه‌ له‌ زيايبوين ئه‌و گرژيه‌ ك له‌عراق وجوود ديريدو دويريش نييه له‌ رويداگه‌يل سوری وه‌تايبه‌ت دويای ئاشكراكردن كيشمه‌كيش ناونی سوپای ئازاد و به‌ره‌ی نوسره‌ت و هه‌ر له‌وه‌ر ئه‌وه‌يش شار موسڵ له‌و پلانه‌يله‌ دويره‌و نه‌خست وه‌ حوكم شوونه‌ جوگرافيه‌گه‌ی.

نوجێفی هه‌ميش جه‌خت له‌بان دوسيه‌ی ئاسايش پاريزگای نه‌ينه‌وا كرد ك بايه‌سه‌ وه‌ده‌س ئداره‌ی تازه‌ی پاريزگا بوود وه‌گشت پيكهاته‌يل جياجيای وه‌خاتر نواگرتن له‌وانه‌ك خوازيارن ناكووكی بخه‌نه‌ ناونی پيكهاته‌يل و زه‌مينه‌ خوه‌ش بكه‌ن ئه‌را ئه‌و لايه‌نه‌يله‌ ك خوازيار شيوانن بار ئاسايشه‌ له‌ پاريزگاگه‌.

ج . أ