مەوقەی تەقەلای دەسگیرکردنی.. پیاییگ گووش خانمە پولیسیگ ئەڵمانی گەزێد

شەفەق نیوز/ پیاییگ کوتیگ لە گووش خانمە پولیسیگ ئەڵمانی لە وەردەوەردەیگ لەناو جادە بڕی.

پولیس ئەڵمانیا وت: خانمە پولیسیگ لە تەمەن ٢٦ ساڵان ناچار بوی نەشتەرگەری جوانکاری ئەرا گووشی بکەێد.

ئەو پیاوە لە تەمەن ٤٠ ساڵە وە کلیلیگ زەخمدار تیوڵ کەسیگ کرد، و وەردەوەردە لە پیاوەیل پولیس کرد کە ئەرا شوین رویداوەگە داوا کریان.

پیاوەیل پولیس ناچار بوین ئامێر تەزین کارەبایی وەگەرد پیاوەگە وەکار بارن، وەلێ هەناێ هویچیگ وەپی نەکرد، کە بڕیگ پولیس ناچار بوین بخەنەی زەوی. 

پیاوەگە گووش خانمە پولیسیگ گەزی، و پەلامار ئەو پولیسەیل دار کە سێ لەلییان زەخمدار کرد.

پیاوەگە بەندی کریا، و بڕیارە بخریەێدە دادگا.