مه‌حمود سه‌نگاوی وه‌ تومه‌ت كوشتن كاوه‌ گه‌رميانی رووژنامه‌نويس ده‌س وه‌سه‌ر كريا

ئه‌و سه‌رچه‌وه‌ ك نه‌تواس ناوی ئاشكرا بوود له‌باسيگ ئه‌را(شه‌فه‌ق نيوز)وت: سه‌نگاوی دويای ئه‌وه‌ك روی له‌ باڵه‌خانه‌ی دادگای په‌يجووری كردگه‌ له‌ گه‌رميان و له‌بان داواكاری دادگا وه‌ بوونه‌ی مه‌سه‌له‌ی كوشيان گه‌رميانی، دادوه‌ر دادگاگه‌ دويای په‌يجووريكردن وه‌ليا بڕيار گرتنی داگه‌.

سه‌رچه‌وه‌گه‌ هه‌ميش وت: سه‌نگاوی خوازيار ئه‌وه‌ بويه‌ له‌ دادوه‌ره‌گه‌ كليه‌و بكا ئه‌را وزاره‌ت پێشمه‌رگه‌و له‌ورا ده‌س وه‌سه‌ر بكريه‌يد، وه‌لی دادوه‌ر ئی داواكاريه‌ ره‌ته‌و كردگه‌و بريار داگه‌ ده‌س وه‌سه‌ر بوود تا كووتاييهاتن په‌يجووريكردن له‌ مه‌سه‌له‌گه‌.

ج . أ