مناڵیگ لە هندستان دویای مرافەیگ لەبان (ریمۆت) خوەی دەێدە سێدارە
شەفەق نيوز/ لە کەلەمەی ناکاوییگ، لە ئاوای بودینا سەروە ناوچەی کورچی لە کەرت گادشیرولی لە ویلایەت ماهاراشترای هندستان، دویەتیگ لە تەمەن 10 ساڵان کوتاێێ وە ژیان خوەی هاورد، لە ئەنجام مەرافەی ئاسانیگ وەرد برایەیلی لەبان تەماشاکردن کەناڵیگ تەلەڤزیۆنی.
وەگورەی لێکۆڵینەوەی پولیس، ئەو رویداوە شەوەکی رووژ 22 ئایار بویە، هەناێ دویەتیگ مناڵ وەناو ئەناند ناتوری، نووڕێدە بەرنامەیگ لە تەلەڤزیۆن، کە خوەشی لەلی تیەێد، وەلێ برایەیلی خوازن چشتیگ ترەک بوینن، ئەراوە بویە مرافەیان لەبان ریمۆت کۆنتڕوڵ، تا بویە دەمەقاڵیگ و برایلی ریمۆت وەپی نەیان، دویەتیش تویڕە بوی و لە ماڵەگە دەرچگ.
دویای ئەوە، لە پشت ماڵیان پەیای تەرم ئەو دویەتە کردن، کە وە پارچەیگ نایلۆن خوەی وەقەی داریگەو کردیەسە دارەو.
هەگ خەوەر رەسی، پولیس کورچی رەسیە شوینەگە، و دەسکردە ریکارەیل یاسایی، و تەرمەگە ئەرا خەسەخانە بریا.
