ماڵپه‌ڕيگ ئيرانى: 4 كه‌س عراقى له ته‌هران تويش ڤايرۆس كۆرۆنا هاتنه
2020-02-23T20:43:44+00:00
شه‌فه‌ق نيوز/ هووكاره‌يل ره‌سانن ئيرانى، ئاشكراى ئه‌وه كردن چواركه‌س له په‌نابه‌ره‌يل عراقى له كويچه‌ى ده‌وڵه‌ت ئاباد له باشوور ته‌هراان تويش ڤايرۆس كۆرۆنا هاتنه ك خه‌ريكه له شماره‌يگ له شاره‌يل ئيران بڵاوه‌و ئه‌دێ له رووژ چوارشه‌ممه‌ى گوزه‌يشته‌و دوياى ده‌ركه‌فتنى له پاريزگاى قوم له‌ناوڕاس ئيران.
له‌و باوه‌ته‌و، ماڵپه‌ڕ" ميدڵ ئيست نيوز " ئيرانى وت: 4 كه‌س له‌و عراقيه‌يله ك نيشته‌جيين له كويچه‌ى ده‌وڵه‌ت ئاباد له باشوور ته‌هران پايته‌خت تويش ڤايرۆس كۆرۆنا هاتنه‌و جيواز كريانه ئه‌را خانه‌ى پزيشكى.
جى باسه، ده‌سڵاته‌يل ئيرانى تائيسه هويچ زانيارييگ له‌بان تويشهاتن ئه‌و چوار كه‌س عراقيه پيشكه‌ش نه‌كردنه ك نيشته‌جى كويچه‌ى ده‌وڵه‌ت ئابادن و له‌و په‌ناره‌يل عراقييه‌نه ك له‌ساڵ 1980ى زايينييه‌وه عراق وه‌جى هيشتنه.
