مالكی ئاگاداربارزانی كرد له‌بان ره‌زامه‌نی ئه‌سه‌د ئه‌را چگن پێشمه‌رگه وه‌ناو خاك سوری
2013-08-09T11:04:08+00:00
رووژنامه‌ی سياسه‌ت كوه‌يتی له راپۆرتيگی ك(شه‌فه‌ق نيوز)ئاگاداری بوی، وت: نوری مالكی سه‌رۆك وه‌زيره‌يل عراقی ئاگادار مه‌سعود بارزانی سه‌رۆك هه‌رێم كوردستان كردگه له‌بان ره‌زامه‌نی رژيم ئه‌سه‌د له‌باوه‌ت چگن هيزه‌يل پێشمه‌رگه ئه‌را ناو خاك باكوور سوريه وه‌خاتر وه‌رگری له كورده‌يل سوری دژ په‌لاماره‌يل قاعيده.
رووژنامه‌گه يه‌يش ده‌رخست ك سه‌رچه‌وه‌يگ پايه‌به‌رز كورد له به‌غدا ئاشكرای ئه‌وه كردگه ك سه‌ركردايه‌تی ئيرانی و سه‌رۆك وه‌زيره‌يل عراقی هه‌وڵ فشارخستن ده‌ن له‌بان مه‌سعود بارزانی سه‌رۆك هه‌رێم ئه‌را ئاڵشتكردن هه‌ڵويستی ك لايه‌نگر شووڕش سوريه له‌وه‌ر ئه‌وه‌ك پشتگيری له رژيم به‌شار ئه‌سه‌د بكا.
ج . أ
