پۆلیس ئیران: زیاتر لە 800 هەزار زیارەتکەر ئەرا عراق هاتنە و شمارەگەیش بەرزەوبوود
شەفەق نیوز ـ تەهران
سەرۆک بنکەی چلە لە پۆلیس ئیران سەردار شەریفی، ئمڕوو یەکشەممە، راگەیان هامشوو لە دەروازە سنووریەیل وە ئاسانی وەڕیوەچوود، دیاریکرد رویداوەیل هانە ژیر کۆنترۆل وەرد زیایبوین رەدبوین زیارەتکەرەیل وەرەو مەزارگەیل پیرۆز.
شەریفی لە بەیانیگ ئەرا ئاژانس ئیرانی "تەسنیم" دووپاتکرد، "ئەو پەنج میحوەرە راگەیاننە وەشیوەی خاسیگ وە هاوکاری وەرد پارێگایەیل و لایەنەیل پەیوەنیدارەیل جیوەجیکریانە، زەمینەی خاسیگ پیشکەشکریاس ئەرا خزمەتکردن زیارەتکەرەیل وە تایوەت لایەن ئەمنی.
دیاریکرد، "زیاتر لە دوو ملیۆن و سەد هەزار کەس تا ئیسە توومارکریانە لە سیستەمەگە، و تەنیا دویەشەو شمارەی پەیمانیی توومارکریاس، کە 200 هەزار کەس رەدکرد".
وتیش "زیاتر لە 800 هەزار زیارەتکار تا ئیسە سنوور رەدکردنە، وەرەو مەزارگەیل پیرۆز، و دەسکریاس وە شەپوول دویەم لە زیارەتەیل" وتیش "رووژ لە دویای رووژ شمارەی زیارەتکەرەیل زیایکەێد".
وتیش، "ری ناوەین پارێزگا سنووریەیل زیاتر لە 36 ملیۆن هامشووی ماشینەیل تایوەت و بارهەڵگر وەخ،ەی دیە، وەبان یەیش هامشویەیل وە ئاسانی بی کارەسات وەڕیوەچوود.
