ليژنه‌ی ده‌سپاكی: ٢٢ وه‌رپرس حكوومه‌ت و له‌ناونيانيش جيگر مالكی و ٢ وه‌زير ئاشكرای زمه‌ت دارايی خوه‌يان ناكه‌ن

ليژنه‌گه‌ له‌ به‌ياننامه‌يگ ك روينويسيگی ره‌سيه‌(شه‌فه‌ق نيوز)ئه‌وه‌ ده‌رخست ك تا كووتايی مانگ ته‌شرين يه‌كه‌م گوزه‌يشت جواودانه‌وه‌ی گشت گه‌ورا وه‌رپرسه‌يل تومار كردگه‌ له‌ نيمه‌ی وزاره‌ته‌يل و لايه‌نه‌يل ناپه‌يوه‌س وه‌ وزاره‌ته‌و له‌وه‌ر ده‌رخستن زمه‌ت دارايی.

به‌ياننامه‌گه‌ يه‌يش ده‌رخست ك ليژنه‌ی دارايی تائيسه‌يش به‌رژه‌وه‌ندی زمه‌ت دارايی يه‌كيگ له‌ جيگره‌يل سه‌رۆك وه‌زيره‌يل و وه‌زير جيوازكردن و وه‌زير پيشه‌سازی و راويژكار ئاسايش نيشتمانی و سه‌رۆك ليژنه‌ی باڵای پرس و دادگه‌ری و پاريزگار ١١ پاريزگاو سه‌رۆكه‌يل ئه‌نجوومه‌ن ٦ پاريزگا وه‌پی نه‌ڕه‌سيه‌.

جی باسه‌، لينژنه‌ی ناوبرياگ ئی به‌ياننامه‌ له‌وه‌ر ده‌رخستن زمه‌ت دارايی وه‌رپرسه‌يل و مه‌سه‌له‌ی وه‌رده‌وامی و دوسيه‌ی گه‌ناته‌كاری ده‌ركرد، وه‌لی چه‌وديره‌يل باس له‌وه‌ كه‌ن ك ئی كاريشه‌ هويچ قانجازيگ نه‌يريد ئه‌را له‌ناوبردن گه‌ناته‌كاری دارايی و ئداری و چه‌وديريكردن مامڵه‌ی خراو وه‌ دارايی گشتی و هاوردنه‌وه‌ی ئه‌و دارايه‌يل تاڵانكرياگه‌.

ج . أ