ليژنه‌ی ده‌سپاكی نزيكه‌ی ٣٠٠٠ تومه‌تبار له‌باوه‌ت گه‌ناته‌كاری هه‌واڵه‌ی دادگا كردگه
و بردن فيشتر له ٥٦٥ مليار دينار.
ده‌زگای ياسايی ليژنه‌گه له راپۆرت مانگانه‌ی ك روينويسيگی ره‌سيه(شه‌فه‌ق نيوز)ئه‌وه ده‌رخست ك نوسينگه‌ی په‌يجوريكردن ليژنه‌ی ناوبرياگ له ديم رسافه له به‌غدا ٢٩٥ كيشه‌ی گه‌ناته‌كاری هه‌واڵه‌ی دادگايه‌يل كردگه ك ٤٠٦ كه‌س له‌تی تومه‌تباره‌و نزيكه‌ی ٣٥٣ مليار و ١٤١ مليۆن دينار فه‌وتاننه‌و نويسينگه‌ی په‌يجوری كه‌رخ له به‌غدايش ١٦٠ شكايه‌ت ده‌رهه‌ق ٢٢٨ تومه‌تبار به‌رزه‌و كردگه‌و ك ١٢٩ مليارو ٨٥٧ مليۆن دينارفه‌وتاننه‌و نويسينگه‌ی زيقاريش ١٥٢ تومه‌تبار وه فه‌وتانن ٦٧ مليار و ٧٤٨ مليۆن دينار له ٨٣ كيشهو نويسينگه‌ی كه‌ربه‌لايش ٧٣ تومه‌تبار وه بردن ٣ مليار و ٥٥٠ مليۆن دينار له ٤١ كيشهو نويسينگه‌ی ئه‌نباريش ٥٨ شكايه‌ت به‌رزه‌و كردگه ك له‌تی ٦٩ كه‌س تومه‌تباره وه بردن ٣ مليار و ٤٩٨ مليۆن دينار و له نه‌جه‌فيش ١٤١ تومه‌تبار وه بردن ٨٩٧ مليۆن دينار، يه‌يش بيجگه سه‌ڵاحه‌دين ك ٧٧ شكايه‌ت ده‌رهه‌ق ١٢٨ كه‌س به‌رزه‌و كردگه وه بردن يه‌ك مليار و ٦٦٧ مليۆن دينار و نويسينگه‌ی به‌سره وه به‌رزه‌وكردن ١٣٤ شكايه‌ت له دژ ٢٣٢ تومه‌تبار وه بردن فيشتر له يه‌ك مليار دينار و نويسينگه‌يل تر ك ئه‌وانيش ئسپات بردن ٨٩٦ مليۆن و ٤٥٠هه‌زار دينار عراقی له‌بان تو‌مه‌تباره‌يل كردنه.
جی باسه، هه‌مان راپۆرت يه‌يش ده‌رخست ك دادگايه‌يل تايبه‌ت فه‌رمان دقه‌تكردن كيشه‌يل ليژنه‌ی ده‌سپاكی داگه له‌و ماوه‌و فه‌رمان زيندانيكردن ٧٦٩ كه‌س ده‌ركردگه ئه‌را ماوه‌ی جياجياو ٣٣ مليار و ٤٢٧ مليۆن ديناريش له ٨٥٦ تومه‌تبار هاوردسه‌و ئه‌را ناو گه‌نجينه‌ی ده‌وڵه‌ت وه‌رجه ئه‌وه‌ك ئازاد بوون له‌ماوه‌ی حوكمه‌گه‌يان.
ج . أ
