ليژنه‌ی ئاسايش پيشنيار كيشاننه‌وه‌ی سوپا كرد ئه‌را ده‌ورگرد به‌غدا

وه‌ جووريگ ك وه‌رپرسيارێتی وه‌ڕيه‌وبردن ئاسايش ناوخوه‌يی بدريه‌يده‌ ده‌س پۆليس ناوچه‌يی و ناوه‌ندی.

غالب زاملی ئه‌ندام ليژنه‌گه‌ ئه‌را(شه‌فه‌ق نيوز)وت: له‌ی باوه‌ته‌و ميوانداری هه‌ردوگ سه‌ركرده‌ی پۆليس كه‌رخ و رسافه‌ كرياگه‌و بار ئاسايش پايته‌خت وه‌ليانا تاوتوی كرياگه‌و پيشنياريگ پيشكه‌ش وه‌پيان كرديمنه‌ ئه‌را ئداره‌كردن ناوخود پايته‌خت وه‌ مه‌رجيگ ك سوپا بكيشيه‌يده‌و ئه‌را ناوچه‌يل ده‌ورگرد به‌غدا.

زاملی هه‌ميش وت: وه‌ سه‌ربازگاكردن به‌غدا هويچ خزمه‌تيگ وه‌ دوسيه‌ی ئاسايش ناڕه‌سنيد، چوينكه‌ خاڵه‌يل وشكانن ئاسايش سه‌ر وه‌ سوپای عراقی له‌ساڵ ٢٠٠٦ تائيسه‌ هويچ ترۆريستيگ ده‌سگير نه‌كردنه‌و هويچ سه‌ياره‌يگ مينڕيژكرياگ نه‌گرتنه‌.

ج . أ