ليژنه‌يگ په‌رله‌مانی ئاماژه وه يه‌كگرتگی هه‌ڵوێست هه‌ردوگ ديوان وه‌قف شيعه‌و سوننی كرد
2013-08-19T13:28:23+00:00
عه‌لی عه‌لاق سه‌رۆك ليژنه‌گه ئه‌را (شه‌فه‌ق نيوز) وت: هه‌ردوگ ديوان وه‌قف شيعه‌و سوننی هه‌ڵوێستيگ يه‌كگرتگ دروس كردنه‌و ده‌رفه‌ت هاوكاری و گونجيان وه يه‌كه‌و دابين كردنه ئه‌را سازكردن چالاكيه‌يل هاوبه‌ش له‌چوارچيوه‌ی رویوه‌ڕوی بوينه‌وه‌ی ئه‌و پلانه‌يله ك ئامانج له‌ليان ئاشووگه‌ری تايفيه.
عه‌لاق هه‌ميش وت: هه‌ردوگ ديوان ناوبرياگ ده‌س كه‌نه سازكردن كۆنگره‌و سميناره‌يل هاوبه‌ش له‌ناونی خوه‌يان له قوناغ ئاينده وه‌خاتر يه‌كه‌وخستن هه‌ڵوێسته‌يليان وه‌ل سازكردن نماز يه‌كگرتگ ك جی مه‌يلداريه له‌لای مه‌ردم.
ج . أ
