له باكوور باقووبه دو خوه‌يكوش وه‌بان ماتۆڕيگه‌و كوشيان
2013-10-30T11:38:03+00:00
له باكوور شار باقووبه.
ليوا جه‌ميل شه‌مه‌ری سه‌ركرده‌ی پۆليس دياله له به‌ياننامه‌يگ ئه‌را(شه‌فه‌ق نيوز)وت: دويه‌شه‌و ديره وه‌ختيگ هيزيگ ئاسايشی له نزيك ناوچه‌ی جبه‌ينات له‌باكوور باقووبه تويه‌نستنه دو خوه‌يكوش وه‌بان ماتۆڕيگه‌و بكوشن ك شاڵ مينڕيژكرياگ به‌ساوين و نياز ئه‌و داشتنه نزيكه‌و بوون له خاڵ وشكانن ئاسايشی، وه‌لی له‌لايه‌ن هيز ئاسايشه‌و ده‌سڕيژ كريانه‌و كوشيانه.
جی باسه، كاره‌يل تون وتيژی له به‌غدای پايته‌خت و پاريزگايه‌يل ناوڕاس و باشوور عراق وه شيوه‌ی ئاشكرايگ له سه‌ره‌تای ئمساڵه‌و تائيسه‌فيشتره‌و بوی و شماره‌ی فريه‌يگ له هاووڵاتيه‌يل بيتاوان گرته ئامانج و له‌تی بوينه قوربانی.
ج . أ
