كومسيۆن مافه‌يل ئاده‌ميزاد خوازياره له وزاره‌ت ناوخوه‌يی حورمه‌ت ده‌ستوور بگريد
و پابه‌ند بوود وه‌و ريككه‌فتننامه‌يله ك عراق ئمزای كردگه‌و ڕييش بيه‌يده ئه‌و خوه‌ينيشانداينيشه ك برياره له ٢٦ ئی مانگه ئه‌نجام بگريد.
كومسيۆن ناوبرياگ له به‌ياننامه‌يگ ئه‌را(شه‌فه‌ق نيوز)وت: بڕيگ خواست و داواكاری له چالاكوانه‌يل و ليژنه‌يل ريكخه‌ر مه‌سه‌له‌ی لاوردن مه‌عاش خانه‌نشينی وه‌پيمان ره‌سيه له‌باوه‌ت ره‌ته‌وكردن چه‌ن خواستيگ له‌لايه‌ن وزاره‌ت ناوخوه‌يی و ڕی نه‌داينی وه‌و خوه‌ينيشانداينه‌يله ك برياره له ٢٦ ئی مانگه ئه‌نجام بگريد، يه‌يش بيجگه ئه‌وه‌ك زويتر كومسيۆنه‌گه به‌ياننامه‌يگ ده‌ركرده له‌بان خواست ڕيداين وه خوه‌ينيشانداين ئاشتيانه ك مافيگ ده‌ستووريه.
كومسيۆنه‌گه يه‌يش ده‌رخست، ك ره‌ته‌وكردن ئی جووره مه‌سه‌له‌يليگ چه‌واشه‌ی ده‌ستوور و ئه‌و ريككه‌فننامه‌يل ناوده‌وڵه‌تيه‌سه ك عراق ئمزا له‌بانی كردگه‌و هه‌ر له‌وه‌ر ئه‌وه‌يش بايه‌سه له‌بان وزاره‌ت ناوخوه‌يی عراقی حورمه‌ت ده‌ستوور و ئه‌و ريككه‌تنه‌يل ئمزاكرياگه بگريد.
ج . أ
