كوردستان ٤٠ مليار دينار ئهرا جيوهجيكردن پرووژهيل خزمهتگوزاری خانهقين تهرخان كرد
![كوردستان ٤٠ مليار دينار ئهرا جيوهجيكردن پرووژهيل خزمهتگوزاری خانهقين تهرخان كرد](https://media.shafaq.com/media/archive/files/Archive.jpg)
سهمير محهمهد نور سهرۆك ئهنجوومهن خانهقين ئهرا(شهفهق نيوز)وت: كوردستان ٣ پرووژه ئهرا خانهقين دياری كردگه، يهكهميان دروسكردن جادهس وه دريژی ١٥٠٠ مهتر دو سايدی له شارهگهو ئهرا دهروازهی مونزريه وه بڕ ٢ مليار دينار وهل كنارگرتن و دارناينی و پرووژهی دويهميش خاسكردن ڕی ناونی قهزای كهلار و كفری وه بڕ ٣٥ مليار و ئهرا ماوهی سێ ساڵ و سێيهميش خاسكردن جادهيگ تر وه دريژی ٢كم و٥٠٠ مهتر ك يهيش وهبڕ ٦ مليار و ٢٥٠ مليۆن ديناره.
نور يهيش دهرخست ك خانهقين له حاڵ حازر ناڵنيد وهدهس كهمی خزمهتگوزاری لهوهر كزی توانای شارهوانی شارهگهو نهياشتن ئامێرهيل خزمهتگوزاری خاسيگ و له ههمان وهخت ئاماژه وهيهيش كرد ك ئهرا ماوهی ١٠ ساڵه گوزهيشته حكوومهت ههرێم كوردستان پشتگيری قهزاگه كردگه.
ج . أ