كوردستان: دوياكه‌فتن كلكردن نه‌فت ئه‌را توركيا په‌يوه‌ندی وه‌ هووكار ته‌كنيكی ديريد نه‌ك ناكوكيه‌يل وه‌ل به‌غدا

سه‌فين دزه‌يی له‌ به‌ياننامه‌ی حكوومه‌ت هه‌رێم ئه‌را(شه‌فه‌ق نيوز)وت: ريككه‌فتن له‌بان كلكردن نه‌فت خام له‌ هه‌رێمه‌و ئه‌را توركيا له‌ڕی لويله‌يل تازه‌ له‌لايه‌ن هه‌ردوگلا ئمزا كرياگه‌و هه‌ردوگلايش پابه‌ندن وه‌و ريككه‌فتنه‌و په‌يڕه‌وی كه‌ن.

دزه‌يی هه‌ميش وت: دوياكه‌فتن له‌ سه‌ره‌تای ده‌سوه‌پيكردن كلكردن نه‌فت چووده‌و ئه‌را هووكاريگ ته‌كنيكی، چوينكه‌ هه‌رێم ئه‌را ماوه‌ی ساڵ ونيميگه‌ كار له‌بان مه‌سه‌له‌ی كلكردن نه‌فت ئه‌كاو ته‌نيا ئه‌را ماوه‌ی ٢٠ رووژه‌ ئمزا له‌بان ئه‌و ريككه‌فتنه‌ كرياگه‌، هه‌ر وه‌و خاتريشه‌ كلكردن نه‌فت له‌وه‌ر ره‌زامه‌نی وه‌رپرسه‌يل حكوومه‌ت عراقی نه‌وسياگه‌و له‌ی نزيكه‌يليشه‌ نه‌فت هه‌رێم كلكريه‌يد.

ج . أ ‌