عراق خوازيار وازكردن نويسينگه‌يگ سه‌ربازيه له به‌لجيكا
2013-07-10T11:29:09+00:00
له به‌ياننامه‌یگ وزاره‌ته‌گه ئه‌را(شه‌فه‌ق نيوز) ئه‌وه ده‌ركه‌فت ك هۆشيار زێباری وه‌زير خارجيه‌ی عراقی وه داوه‌تيگ فه‌رمی له‌لايه‌ن ئه‌ميندارێتی گشتی ناتۆ چه‌وی كه‌فتگه‌سه ئه‌لكساندر فيرشباو يارمه‌تيده‌ر ئه‌ميندار گشتی له‌باره‌گای ناتۆ له بروكسل و هه‌ردوگ لايه‌ن باس له په‌يوه‌نديه‌يل ناونی عراق و ناتۆ كردنه‌و مسه‌له‌ی وازكردن نويسينگه‌يگ سه‌ربازی تاوتوێ كردنه ئه‌را عراق له به‌لجيكا ك چه‌وديری په‌يوه‌ندی وه‌ل هاوپه‌يمانی بكا وه‌شيوه‌يگ فراوانتر.
له‌و به‌ياننامه يه‌يش ده‌ركه‌فت ك زێباری دانيشتنيگ ئه‌را ئه‌نجوومه‌ن هاوپه‌يمانيه‌گه كردگه ك پيكهاتويد له ٢٨ دوڵه‌ت و له‌و دانيشتنه باس له بواره‌يل هاوكاری كرياو له‌وانه‌يش له بوار بنياتناين توانايه‌يل و سه‌قامگيری وزه‌و رویوه‌ڕوی بوينه‌وه‌ی تيرۆر و بواره‌يل تر.
ج . أ
