"شەفەق نيوز" وەگەرد کارەیل کپەوکردن ئاگر دارستانەیل لازقیەی سوریا (وینە)
شەفەق نيوز– لازقیە
ئەرا رووژ سەشەم، تەقەلایەیل تیمەیل وەرگری شارستانی سوریا وەردەوامن لە کپەوکردن بڵویزەی ئاگر لە ریف لازقیە، لەناو زەوی و زارەیل و کەشوهەوای ئاڵووز، وە پاڵپشتی تیمەیل و فرۆکەیلیگ لە دەوڵەتەیل هاوسا کلکریانە، لەناویان تورکیا و لوبنان و ئوردن.
کامیرای ئاژانس شەفەق نیوز وەگەرد تیمەیل وەرگری شارستانی بوین لەبان زەوی، و لە نزیکەوە بڕ ئەو ویرانکاریە توومار کرد لە ئەنجام ئەو ئاگرە کە بویە مدوو سزیان هەزاران لە دارەیل و شوینە سەوزەیل فراوانیگ لە یەکیگ لە دەوڵەمەنترین ناوچەیە سوریا وە دارستانەیل سروشتی.
مەعاز سەید یەکیگ لە ئەندامەیل تیمەیل وەرگری شارستانی ئەرا ئاژانس شەفەق نیوز وت: سروشت کویەیی ناوچەگە وەگەرد وای تون و بەرزەوبوین پلەی گەرمی، بیجگە ئەوە کە مینەیلیگ لە جیماگەی جەنگ هەسر گشت یانە ئەرک کپەوکردن ئاگرەگە سەختەو کەن.
دیاری کرد کە زەوی و زار ناوچەگە کە دووڵ و لیژایی و کویە هاناوی، و تەنیا ژیرخان گونجیاگ ئەرا رەسین وە گشت خاڵەیل، ریگری لە جویلەی تیمەیل کەێد و توانای بڵاوبوین کارای لە شوینەیل ئاگرەگە سنووردار کەێد.
سەید وتیش: گرنگی لەلای تیمەیل ئیرنگە ئەوەسە کە نەیلن ئاگر بڕەسێدە ناو ناوچەی سرووشتی فرنلق، کە یەکیکە لە دەوڵەمەنترین دارستانەیلە لە سوریا.
هەرلیوا، تیمەیل وەرگری شارستانی دویەکە دووشەممە، ئاوای غەسانیە (فەلەك) سەروە ناحیەی راس بەسیت لە ریف لازقیە پووڵ کردن، دویای رەسین ئاگرەگە و نزیکەوبوینی لە ماڵەیل لە ئەنجام تونەوبوین وا.
لەلای خوەییش: رائد ساڵح وەزیر فریاکەفتن و وەڕیەوبردن کارەساتەیل وت: حکومەت سوریا وە فەرمی داوای دەسمیەتی لە یەکێتی ئەوروپا کرد ئەرا نواگیریکردن کاریگەریەیە ئاگرەگە، وتیش: فرۆکەیل ئاگرکپەوکردن ئەوەسا تیەنە ناو تەقەلایەیل کپەوکردن لە ئمڕووەو.
وەگورەی زانیارییەیل فەرمی، تورکیا 16 تیم کلکرد، و ئوردن 6 کۆپتەر و تیمەیل پاڵپشتیکردن، و لوبنان وە دوو کۆپتەر بەشداری کرد.
زیاتر لە 80 تیم ئیرنگە پەسا کار کەن، وە پشتگیریکردن نزیکەی 180 ئامێر جیاجیا، لەناو ژوور ئۆپراسیۆنەیل ناوەندی لەلای ت وەزارەت فریاکەفتن وە هەماهەنگی وەرد جویراجویر وەزارەتەیل و دەزگایەیل پەیوەندیدار، وە بەشداریکردن یەکەیلیگ لە سوپای سوریا - هشکایی و ئاسمانی - وەگەرد تەقەلایەیل خوەیبەخشەیل و خەڵکەگە و ریخریاگەیل کۆمەڵگەی مەدەنی.
