سه‌ڵاحه‌دين ليست خوه‌يبه‌خشه‌يل توركمان وه‌رگرت ئه‌را دامه‌زرانن فه‌وج حاڵه‌ته‌يل له‌ناكاو
ئه‌و سه‌رچه‌وه ك نه‌تواست ناوی ئاشكرا بوود، ئه‌را (شه‌فه‌ق نيوز) وت: دويه‌كه سه‌ركردايه‌تی پۆليس پاريزگای سه‌ڵاحه‌دين ليستيگ وه‌رگرتگه‌و ناو ٦٠٠كه‌س له پيكهاته‌ی توركمانی ها له‌تی له‌وانه‌ك مه‌يل خودبه‌ختكردن ديرين له فه‌وج حاڵه‌ته‌يل له‌ناكاو له‌قه‌زای دوزخورماتوو ك له‌ی دوياخر بڕيار دامه‌زراننی دريا.
سه‌رچه‌وه‌گه يه‌يش ده‌رخست، ك سه‌ركردايه‌تی پۆليس پاريزگاگه له‌يه‌كه‌وداين ئه‌و ليسته‌يله گريده مل و دقه‌ت ئه‌و ناوه‌يله ئه‌ياد و دويای ئه‌وه‌يش ئه‌و ليسته‌يله كلكريه‌يد ئه‌را به‌غدا.
جی باسه، ئه‌و ليژنه‌ی وزاريه ك سه‌ردان قه‌زاگه كرد، له‌لايه‌ن حكوومه‌ته‌و ته‌كليف كريا وه ئه‌وه‌ك ٥٠٠ تا ٧٥٠ كه‌س له مه‌ردم قه‌زای دوزخورماتوو پيك باريه‌يد ئه‌را دامه‌زرانن فه‌وجيگ سه‌حوه وه‌خاتر مقه‌يه‌تيكردن قه‌زاگه ك فيشتر له‌جاريگ تويش په‌لاماره‌يل تيرۆريستی هات.
ج . أ
