سه‌عديه داوای ده‌سميه‌ت پشمه‌رگه ئه‌كا ئه‌را مقه‌يه‌تيكردن ئاسايش ناوچه‌گه
له‌لايه‌ن خوه‌ييشه‌و حه‌سه‌ن جهاد ئه‌ندام ليژنه‌ی وه‌رگری و ئاسايش له ئه‌نجوومه‌ن نوێنه‌ره‌يل له‌بان هاوپه‌يمانی كوردستانی، كرده‌وه‌ی هيزه‌يل ئاسايشی له ئارامه‌وكردن بار هه‌ردوگ ناحيه‌گه‌و مقه‌يه‌تيكردن مه‌ردمه‌گه له په‌لاماره‌يل چه‌كداری وه دريژايی ماوه‌ی گوزه‌يشت شكه‌ست بويه و هه‌ر وه‌و خاتريشه له‌باسيگ ئه‌را(شه‌فه‌ق نيوز)خوازيار شاره‌زايی و توانايی هيزه‌يل پێشمه‌رگه‌و ئاسايش كورده بيجگه هيزه‌يل سوپا له‌وه‌ر دابينكردن ئاسايش و ئارامی.
جهاد هه‌ميش وت: ئه‌و ره‌خنه‌يله ك له‌لايه‌ن مه‌ردمه‌و روی وه‌ڕوی ده‌زگايه‌يل ئاسايشی و ئاسايش نوێنه‌رايه‌تی و لايه‌نه‌يل په‌يوه‌نديدار كريه‌يد ره‌خنه‌يل ره‌وايگه له‌وه‌ر ئه‌وه‌گ هيزه‌يل ئاسايشی حكوومی توانای ئارامه‌وكردن بار هه‌ردوگ ناحيه‌ی سه‌عديه‌و جه‌له‌ولا نه‌ياشتگه وه دريژايی ماوه‌يل گوزه‌يشت.
ج . أ
