سه‌ركرده‌يگ بريتانی پيشنيار سێ خاڵ كرد ئه‌را مالكی له‌وه‌ر وساننه‌وه‌ی تون وتيژی
و ده‌سنيشان سێ خاڵيش كرد ئه‌را نوری مالكی سه‌رۆك وه‌زيره‌يل وه‌خاتر ئارامه‌وكردن بار ئاسايش و له‌وانه‌يش داناين مه‌رزيگ ئه‌را شيعه له مه‌سه‌له‌ی توڵه‌سه‌ندن.
كه‌مب له باوه‌تيگی ك له رووژنامه‌ی تايمز بريتانی بڵاو كرياو(شه‌فه‌ق نيوز)ئاگاداری بوی، باس له هووكاره‌يل زيايبوين راده‌ی تون وتيژی ئه‌كا له عراق له‌ی مانگه‌يل دوياخره‌و وت: به‌غدا واز له ستراتجيه‌ت ئه‌مريكييش هاوردگه وه‌خاتر روی وه‌ڕوی بوينه‌وه‌ی كاره‌يل چه‌كداری، ك يه‌يش يه‌كيگ له‌و كاره‌يله بوی ك ئه‌مريكا پشت وه‌پی به‌سا ئه‌را وسيان له‌ڕوی ترۆريسته‌يل و كاره‌يل تون وتيژی له‌عراق.
كه‌مب هه‌ميش وت: بايه‌سه نوری مالكی سه‌رۆك وه‌زيره‌يل عراق په‌يڕه‌و ئی سێ خاڵه بكا ك ئه‌ويش: ده‌س وه‌پيكردن خاسسازی گورج سياسی، داناين مه‌رزيگ ئه‌را شيعه له مه‌سه‌له‌ی توڵه‌سه‌ندن، هاوردنه‌وه‌ی ستراتيجيه‌ت ئه‌مريكی ئه‌را هيزه‌يل ئاسايش عراقی.
ج . أ
