ئەرا یەکەمجارە بیتکۆین باز دەێدە بان ١٠٠ هەزار دۆلار
شەفەق نیوز/ ئیوارەی پەنجشەممە، بیتکۆین 100 هەزار دۆلار رەد کرد و ئەرا یەکەمجار لە سەرەتای مانگ شوباتەو رەسیە 103 هەزار دۆلار، یەیش ەڵ پاڵپشتی ڕێککەفتنیگ فراوان ناوەین ئەمریکا و بەریتانیا، کە نشانەس ئەرا ئەوە کە هاتێ جەنگ بازرگانی دۆناڵد ترەمپ سەرۆک ئەمریکا وەرد جیهان سووکترەو بوود.
لە سەرەتای مامەڵەیل جمعە بیتکۆین رەسیە 103 هەزار و 133 دۆلار، کە وەڕیژەی 5.84% زیادکردگەڕ گەورەترین دراو ئەلیکترۆنی لە جیهان ئمساڵ گلەو خوارد ئەرا ناوچەی ئەرێنی، هەرچەن لە خوار بەرزترین ئاست خوەی مەنکە لە مانگ یەک رەسیە زیاتر لە ١٠٩ هەزار دۆلار.
دراو ئەلیکترۆنی ئیسەر زیاتر لە 14% بەرزەو بوی و رەسیە 2050.46 دۆلار، دویای ئەوەگ بەرزترین ئاست خوەی لە کۆتایی مانگ ئازار توومارکرد.
ئەنتۆنی ترێنچێڤ، هاوبەش دامەزرێنەر پلاتفۆرم بازرگانی سەروەت و سامان دیجیتاڵی نێکسۆ لە کۆمێنتیگ ئیمەیڵ وت: “بایەسە گلەوخواردن 100 هەزار دۆلار وە یەکیگ لە دەستکەفتە خاسەیل بیتکۆین هەشمار بکرێد”. "تەنیا مانگ گوزەشتە، بیتکۆین لە نزیکەی ٧٤ هەزار دۆلار بوی، یەیش دیاری کەێد کە سەنین لە مەوقەی رخداری فرە توەنێد قانجازیگ ناوازە بکەێد."
وتیش: "گلەوخواردن زویوەزوی ئەرا 100 هەزار دۆلار لە ناوەین گلەوخواردن ئارەزوو رخداری پەیامیگ کلکەێد کە 109 هەزار دۆلار و بانتر لە چەو خەڵکە".
نرخ بیتکۆین و دراوەیل ترەک ئەلیکترۆنی لە ناوەین مانگەیل شوبات و نیسان وە شیوەیگ وەرچەو داوەزیان، چوینکە بازرگانەیل نیگەران بوین لەوە کە ترەمپ وە یەواشیگ زیاتر لەوەگ چەوەڕی کریا چاکسازییگ لایەنگر و پاڵپشتیکردن دراو ئەلیکترۆنی.
