دياله ئاشكرای سه‌ركه‌فتن پلان عه‌يد كردو فيشتر له ٢٥هه‌زار گه‌شتياريش روی له خانه‌قين كرد
يا په‌لاماريگ چه‌كدارانه له عه‌يد قوربان و خانه‌قينيش ئاشكرای ئه‌وه كرد ك پيشوازی له فيشتر له ٢٥هه‌زار گه‌شتكه‌ر كرده له هه‌ن ماوه‌ی عه‌يد قوربان.
موقه‌ده‌م غالب عه‌تيه وه‌ڕيه‌وبه‌ر ره‌سانن و په‌يوه‌نديه‌يل له سه‌ركردايه‌تی پۆليس دياله ئه‌را(شه‌فه‌ق نيوز)وت: پلان ئاسايش رووژه‌يل عه‌يد سه‌ركه‌فتن خاسيگ وه‌ده‌س هاورد و ئامانجه‌يلی جيوه‌جی بوی له‌سای هاوكاری هاووڵاتيه‌يل و به‌شداريكردنيان له‌ی سه‌ركه‌فتنه.
عه‌تيه باس له‌وه‌يش كرد ك بار ئاسايش ناوخوه‌يی دياله له‌باقی پاريزگايه‌يل تر عراق خاستر بويه‌و ئاست ئاسايش و سه‌قامگيری له‌تی به‌رزه‌و بويه‌و مه‌ردمان فريه‌يگيش له خه‌ڵك ناوچه‌گه روی كردنه ناوچه‌يل گه‌شتياری و پاركه‌يل له رووژه‌يل عه‌يد قوربان له‌سای مقه‌يتيكردن و به‌شداريكردن ٣٠ هه‌زار سه‌رباز له‌گشت دامه‌زرياگه‌يل جياجيا له‌ی پلان ئاسايشيه.
ج . أ
