دزیان ئاسەواری تەڵایی لەناو مۆزەخانەیگ لە هۆڵەندا

شەفەق نیوز/ 3 دەسوینک و کڵاو تەڵایی کویەن، لەناو پێشانگایگ لە مۆزەخانەیگ بە شار ئاسن لە هۆڵەندا دزیا، کە شەو جمعە-شەممە، دزەیل وە بومب چگنەسە ناو، وەگورەی میدیایل وڵاتەگە.

بڕیار بوی مۆزەخانەی درینسی لە ئاسن باکوور هۆڵەندا میوانداری پیشانگای داسیا، ئیمپراتۆریەی تەڵا و نوقرە تا کۆتایی هەفتە بکەێدر وەگەرد شمارەی گەورەیگ لە ئەنتیکەیل هونەری لە رۆمانیا.

باوجی نزیک ساعەت 03:45 شەوەکی شەممە، پولیس ئاگاداری لە تەقینەوەیگ کرد، وەگورەی قسەی مۆزەخانەگە لەبان سایت ئەلیکترۆنیی.

3 دەسوینک چاهی و کڵاویگ تەڵایی لە كوتوفينيستی، دزیا، کە میژووی چوودەو ئەرا 450 وەرجە زاینی.

میژوونویپ ديمتری تيلوی دامبروزی ئەرا ئاژانس فرانس پرێس وت: ئی کڵاوە گەوهەریگە، و داسیا شانشین تواناداریگ بوی لە باکوور چەم دانوب، و کان تەڵا و نوقرە لەناوی بویە، ئەو کڵاوە چوودەو ئەرا وەرجە سەردەم رۆمانی، و هاوسەردەم بویە وەگەرد یۆنان کلاسیک.

 هاری توبان وەڕیەوبەر مۆزەخانگە دیاری کرد: "یە رووژیگ تێریکە ئەرا مۆزەخانەی ئاسن و مۆزەخانەی نیشتمانی ئەرا میژوو رۆمانیا لە بوخارست، دویەشەو فرە دڵتەنگ بویمن".

دووپاتیش کرد کە لە ماوەی 170 ساڵ هویچ رویداویگ رخدار وەیجویرە نەویە، و خەفەت گەورەیگ ئەرا هاوڕیایل رۆمانی خوەیمن.

تەقینەوەی بومبەگە زەرەد وە بارەگای ئەو مۆزەخانە رەسان کە لەلای کەمەو لەی هەفتە وە بەسیای مینێد.

پولیس هۆڵەندا وت: هاوکاری وەرد ئینتەرپۆڵ کەێد لە لێکۆڵینەوە، و ماشینیگ دیاری کردگە کە شەو ئاگر گردیە، شایەت پەیوەندی وەی دزیکردنە دیرێد، و هاتێ کەسەیل تاو ئەو ماشینە توەنستنە سوار ماشینیگ ترەک بوون.

دەسەڵاتەیل هۆڵەندا وەگەرد حکومەت ڕۆمانی پەیوەندی کردن ئەرا ئی باوەتە.

 ئیميل هوريزيانو وەزیر دەیشت ڕۆمانیا دووپات لەبان گرنگی ئاسەواری و هیمایی ئەو پارچەیل دزیاگە و ئەو کاریگەرییە لە رۆمانیا لە نەمانیان.