خوه‌ينيشانده‌ره‌يل عراقی چوار ڕێ ئه‌را كووتاييهاوردن وه‌قه‌يرانه‌يل دانان

محه‌مه‌د ته‌ها حه‌مدون قسه‌كه‌ر وه‌ناو جموجويلده‌ر مه‌ردمی ئه‌را (شه‌فه‌ق نيوز) وت: چوار ڕی ها وه‌رده‌ممان، يا ئاڵشتبوين نوری مالكی سه‌رۆك حكوومه‌ت يا به‌شبه‌شه‌وبوين، يا روی وه‌ڕوی بوينه‌وه‌ يا دامه‌زرانن هه‌رێمه‌يل.

حه‌مدون ئاشكرای يه‌يش كرد ك ڕی دامه‌زرانن هه‌رێم نزيكتره‌و له‌لايه‌ن مه‌ردمان فره‌يگه‌و جوور وه‌سيله‌يگه‌ ئه‌را قورتاربوين له‌ زوڵم و سته‌م حكوومه‌ت ناوه‌ندی، ك هه‌رچه‌نی بڕيگ له‌ لايه‌نه‌يل حكوومه‌ت عراقی باوه‌ڕيان ئه‌وه‌سه‌ فكره‌ی هه‌رێم سوننی ده‌س ده‌ره‌كی ها پشتی، وه‌لی سياسيه‌يل سوننی و ته‌نانه‌ت پياوه‌يل ئاينييش دياره‌ رايان جوور يه‌ك نييه‌ له‌ی باوه‌ته‌و.

ج . أ