خوه‌ندكاره‌يل زانكۆی سلێمانی له ناڕه‌زاييگ جاده‌يگ سه‌ره‌كی به‌سان
و داوا له لايه‌نه‌يل په‌يوه‌نديدار كردن خزمه‌تگوزرای بنه‌ڕه‌تی ئه‌را به‌شه‌يل ناوخۆييه‌گه‌يان دابين بكه‌ن.
يه‌كيگ له‌و خوه‌ندكاره‌يل ك به‌شداری ئه‌و ناڕه‌زاييه كرد وه‌ناو هۆگر شه‌ريف له‌باسيگ ئه‌را(شه‌فه‌ق نيوز)وت: به‌شه‌يل ناوخوه‌يی تازه‌يل هويچ خزمه‌تگوزارييگ ئه‌را خوه‌ندكاره‌يل له‌تی نيه‌و هه‌ر له‌وه‌ر ئه‌وه‌يش چه‌نه‌ها جار خوه‌ندكاره‌يل خوازيار دابينكردن هه‌وه‌جه‌يل خزمه‌تگوزاری بوينه ئه‌را ئه‌و به‌شه‌يله، وه‌لی لايه‌نه‌يل په‌يوه‌نديدار ته‌كان وه خوه‌يان نه‌يانه‌و هه‌ر له‌وه‌ر ئه‌وه‌يش ئمڕوو ئی ناڕه‌زاييه ساز كريا.
بيجگه ئه‌ويش دويه‌ته خوه‌ندكاريگ تر وه‌ناو به‌ناز حه‌بيب له‌باسيگ تر ئه‌را(شه‌فه‌ق نيوز)وت: به‌شه‌يل ناوخوه‌يی دورن له زانكۆ و خوه‌ندكاريش ناچارن ڕی فريه‌يگ وه‌پا بوڕن تا ره‌سنه ويستگه‌ی باسه‌يل وه‌خاتر جيوازكردنيان ئه‌را زانكۆ، ك يه‌يش بووده مايه‌ی دوياكه‌فتن خوه‌ندكار له محازره‌ی يه‌كه‌م گشت شه‌وه‌كيانيگ.
له‌لايه‌ن خوه‌ييشه‌و به‌ختيار محه‌مه‌د وه‌رپرس كاروبار خوه‌ندكاره‌يل له زانكۆی سلێمانی ئه‌را شه‌فه‌ق نيوز ئه‌وه ده‌رخست ك ده‌زگاگه‌ی سه‌رقاڵ چاره‌سه‌ركردن كيشه‌ی ئه‌و خوه‌نكاره‌يله‌سه له ماوه‌ی كه‌ميگ.
ج . أ
