خانمە ئەفسەریگ لە تایوان مەوقەی تاقیکردن رۆتینی فڕۆکە گیانی لەدەسدەێد

شەفەق نیوز/ رویداویگ دڵتەزن لە سەربازگەی چینگ چوان کانگ ئاسمانی لە تایوان، بویە هوکار کوشیان خانمە ئەفسەریگ لە هیزەیل ئاسمانی.

خانمە رەقیب "هو" کە خاوەن سرشتەی سەربازیە کە ١٧ ساڵ کار کردیە، وەشیوەیگ دڵتەزن گیانی لەدەسدا، هەناێ بزوێنەر فڕۆکەگە قویتی دا، وەگورەی رووژنامەی دەیلی مەیل بەریتانی.

ئەو رویداو دەگمەنە هەناێ رەقیب "هو" ژیر پاچکەیل فڕوکەیگ دویای نیشتنەوەی قایم کرد.

لەی مەوقە بزوێنەر فڕۆکەگە ئەو خانمە ئەفسەرە وەرەو ناو کیشا، لە رویداویگ دڵتەزن، کە باوەڕ نەکردن هیمان بزوێنەر کار کردیاد.

تیمەیل فریاکەفتن کەفتنە جویلە، وە تەقەلای رزگارکردن ئەو خانمە ئەفسەرە، و ئەرا خەسەخانە بردنەیر وەلێ گیانی لەدەسدا.