بان كی مۆن خوازيار‌ه ڕێ وشوون وه‌په‌له‌يگ بگيريه‌يده وه‌ر له‌باوه‌ت رويداگ كه‌مپ ئه‌شره‌ف
2013-09-02T12:37:21+00:00
بان كی مۆن له به‌ياننامه‌يگ له زووان قسه‌كه‌ره فه‌رميه‌گه‌ی ك (شه‌فه‌ق نيوز) ئاگاداری بوی، وت: حكوومه‌ت عراق وه‌رپرسه له‌بان زه‌مانه‌ت سه‌ڵامه‌تی و ئاسايش نيشته‌جيكردن مه‌ردم و هه‌ر له‌وه‌ر ئه‌وه‌يش پرسه‌و سه‌ره‌خوه‌شی خوه‌ی پيشكه‌ش كرده خيزان ئه‌و قوربانيه‌يله‌و خوازيار بوی له حكوومه‌ت عراقی ڕێ وشوون هه‌ڵه‌په‌ڵه‌يگ وه‌خاتر ئه‌و رويداگه‌و ده‌رخستن ئاكامه‌يلی بگريده وه‌ر.
جی باسه، دويه‌كه شايه‌تحاڵه‌يل و وه‌رپرسه‌يل ناوچه‌يی پاريزگای دياله، شايه‌تی ئه‌وه دان ك سه‌ربازگه‌ی ئه‌شره‌ف كه‌فتگه‌سه وه‌ر بوردمان هاوه‌ن و چه‌ن كه‌سيگ له ئاكام ئه‌و بوردمانه كوشيانه‌و زه‌خمدار بوينه، وه‌لی هێزه‌يل ئاسايش عراقی ئه‌و هه‌واڵه خستنه دروو.
ا. ج
